Amor, chocolate e 2-feniletanamina

A 2-feniletanamina é un composto da familia das anfetaminas -potentes estimulantes do sistema nervioso central- que produce de forma natural o noso corpo. En concreto é na rexión do hipotálamo do noso cerebro onde se produce este neurotransmisor. Tal e como poderías intuír a súa fórmula é:

Tamén se coñece simplemente como feniletilamina (aínda que este nome pode inducir a confusión á hora de formulalo). Nas glándulas suprarrenais do noso corpo prodúcese ademais adrenalina e noradrenalina, ambas as dúas hormonas derivadas da 2-feniletanamina. 

Hoxe en día sabemos que a presenza de todas estas sustancias están relacionadas coas sensacións que experimentamos cando nos namoramos. Pero... sabías que o chocolate é un alimento rico en 2-feniletanamina? Este pode ser o motivo polo que comelo nos fai sentir tan ben: xa hai quen se refire ao chocolate como a droga do amor.