Os papel dos catalizadores é moi importante non só en moitos procesos bioquímicos e industriais, senón tamén en ámbitos como o da automoción de cara a preservar a saúde e o ambiente.
Os convertidores catalíticos de tres vías dos automóbiles empregan como fase activa o platino (Pt), o rodio (Rh) e o paladio (Pd) para transformar tres substancias contaminantes que saen do motor noutras inocuas:
- O Pt e o Rh para catalizar a descomposición dos óxidos de nitróxeno (NOx) a N2 e O2
- O Pt e o Pd para catalizar a oxidación do CO a CO2 e dos restos de hidrocarburos sen queimar (CxHy) a CO2 e H2O
Trátase de procesos de catálise heteroxénea dado que o catalizador está en estado sólido e os reactivos en estado gasoso. Para aumentar a superficie de contacto entre o catalizador e os reactivos a estrutura na que se dispón o catalizador ten numerosos microcondutos. Ademais os propios gases contaminantes que saen do motor do coche a elevada temperatura quentan o catalizador, o que aumenta a eficiencia dos procesos anteriormente mencionados.
Fonte: tuvisitaguiada.com
Ningún comentario:
Publicar un comentario