Aplicando o método científico podemos concluír en base a evidencias se o que de entrada nos parecía que ía a acontecer é realmente certo ou non. Para iso precisamos ter moi claro no noso experimento cales son as dúas magnitudes que imos a estudar e intentar relacionar e deixar o resto invariable. Só deste xeito a variación dunha das dúas magnitudes poderá ser efectivamente atribuída á variación da outra.
Fonte: BBC
No caso de dous obxectos diferentes que
se deixan caer desde unha determinada altura no baleiro o experimento
lévanos a concluír que chegan ao chan exactamente ao mesmo tempo. Pero
isto non é o que observamos cando realizamos a experiencia en
circunstancias máis cotidiás -isto é, no onmipresente aire-. Mais neste
caso abonda con deixar caer o mesmo obxecto con distintas configuracións
(por exemplo un folio liso e outro enrugado formando unha bóla) para
concluír que non é a magnitude masa senón a forma a responsable da
diferenza no tempo de caída. A forma determina a superficie de contacto do obxecto co aire e está relacionada coa resistencia que este último ofrece ao seu avance.
Por
certo que a parte da Física que estuda os efectos que aparecen sobre os
corpos sólidos no seo do aire e en movemento respecto deste denomínase
aerodinámica e, como poderedes imaxinar, ten aplicacións moi
interesantes como é o caso dos avións.
Ningún comentario:
Publicar un comentario