A UNESCO declarou o presente ano 2019 como Ano Internacional da Táboa Periódica dos Elementos Químicos coincidindo coa conmemoración do 150 aniversario do descubrimento do Sistema Periódico por parte do químico ruso Dmitry Medeleev.
No marco desta celebración, a Facultade de Química da Universidade de Santiago de Compostela organiza o concurso de carteis "A Táboa Periódica e Galicia", que pretende divulgar entre os estudantes do sistema educativo galego (2º ciclo da ESO, Bacharelato e Ciclos formativos) a relevancia dos distintos elementos químicos na vida diaria.
O idioma dos carteis é o galego, formato pdf e tamaño DIN A0. Parte dos carteis serán seleccionados para ser expostos na Facultade de Química. Todos os centros seleccionados recibirán un premio. Os tres mellores traballos recibirán un premio en metálico. Podes consultar máis en detalle as bases do concurso a través da seguinte ligazón.
Ningún comentario:
Publicar un comentario